دليل استخدام جولدفاي

لوحة التحكم

أول شاشة بعد الدخول: صورة كاملة لذهب المحل وحركة اليوم، للفرع الحالي أو كل الفروع.

• إجمالي وزن الذهب والمكافئ لعيار 21، وقيمته بسعر البيع وبسعر الشراء.
• بطاقة لكل عيار: الوزن، والسائب والقطع، والقيمة.
• مبيعات ومشتريات ومصروفات اليوم، وآخر الفواتير.
• تنبيهات: سعر عيار ناقص، رصيد سالب، طلبات متجر جديدة.
• اختيار الفرع من أعلى الشاشة (للمدير اللي مش مربوط بفرع).

البيع والشراء

فاتورة بيع أو فاتورة شراء كسر — كل واحدة لوحدها (ممنوع ذهب بذهب في فاتورة واحدة)، والأرقام بتتحسب على السيرفر لحظة بلحظة.

• كل طريقة دفع بتدخل الحساب اللي تختاره (خزنة الفرع، البنك، المحفظة) — الافتراضي من «الخزنة والحسابات».
• «صورة البطاقة (اختياري)»: ارفع صورة بطاقة العميل من الكمبيوتر أو صوّرها بالموبايل — بتتحفظ مع الفاتورة وفي النسخة الاحتياطية.
• امسح الباركود بالقارئ أو بكاميرا الموبايل، والقطعة بتنزل بوزنها ومصنعيتها.
• بيع بالوزن من غير باركود: العيار والصنف والوزن والمصنعية والفصوص والدمغة.
• ربط الميزان من الكمبيوتر (Chrome أو Edge) وأخذ الوزن بضغطة «خذ الوزن» (F5).
• الدفع نقدي أو فيزا أو تحويل، أو أكتر من طريقة. والآجل مقفول افتراضياً (يداً بيد).
• الخصم أو تعديل سعر الجرام فوق صلاحية البائع محتاج موافقة المدير بكلمة مروره.
• شراء الكسر بيطلب رقم هوية البائع (قابل للإلغاء من الإعدادات).
• علامة «أرسل لبوابة الضرايب» لو الفاتورة الإلكترونية مفعّلة على «الفواتير المحددة».
• اختصارات: F1 بيع · F2 شراء · F8 إضافة بند · F9 الكل نقدي · F12 حفظ.

أسعار الذهب

سعر البيع والشراء لكل عيار — كل الفواتير والمتجر بيتحسبوا منه.

• تحديث من الإنترنت بضغطة لمصر والسعودية والإمارات بعملة البلد.
• تكتب سعر عيار واحد والباقي بيتحسب بالنقاء، أو تعدّل كل عيار لوحده.
• سجل تغيير الأسعار بالوقت واسم المستخدم.

المخزون: الأرصدة

رصيد كل عيار في كل فرع = القطع اللي بباركود + الوزن السائب، بالمتوسط المرجح للتكلفة.

• الوزن والمكافئ لعيار 21 والقيمة بسعر البيع والتكلفة.
• عمودين: «قطع» و«سائب» عشان تعرف كل جرام فين.

المخزون: القطع

كل القطع اللي بباركود بحالتها: بالمخزن، محجوزة لطلب متجر، مباعة، مستبعدة.

• بحث بالباركود أو الاسم، وفلترة بالعيار والصنف والحالة.
• تعديل القطعة، وطباعة التيكيت، واستبعاد قطعة (تالفة/للصهر) بقيد في الدفتر.

المخزون: قطعة جديدة

إضافة قطعة بباركود (بيتولد لوحده لو سبته فاضي) وطباعة التيكيت بعد الحفظ.

• «الماركة» (اختياري) بتقترح الماركات اللي استخدمتها قبل كده، وبتتبحث في المخزون وبتظهر في صفحة المنتج في المتجر.
• «سجّل وزن القطعة ومصنعيتها على حساب المورد»: القطعة بتتسجل على حساب المورد لوحدها (الوزن بمكافئ 21 + المصنعية).
• الصنف بيجيب المصنعية الافتراضية، والوزن الصافي = القائم − الفصوص.
• تكلفة الجرام ومصنعية المورد (لتقارير الأرباح) — ولو سبت تكلفة الجرام فاضية بتتسجل بسعر الشراء وقتها.
• المورد: اختاره من قائمة الموردين، أو «أخرى» واكتب أي اسم أو معلومة يدوي.
• نوع الإدخال: توريد، أو رصيد افتتاحي، أو «تحويل من الوزن السائب الموجود» — القطعة بتاخد باركود من غير ما يزيد المخزون.
• جزء «المتجر الإلكتروني»: اعرض القطعة في المتجر وارفع صورها من نفس الشاشة (من الموبايل بتصوّر على طول).

المخزون: توريد وجرد

حركات الوزن السائب والجرد بالميزان.

• توريد ذهب سائب أو رصيد افتتاحي بتكلفته.
• خصم وزن (إرسال للصهر/التاجر أو تسوية).
• جرد: اوزن كل ذهب العيار واكتب الوزن الفعلي، والبرنامج بيسجل العجز أو الزيادة.

المخزون: تنبيهات المخزون

تنبيه لما صنف يقرب يخلص أو عيار يقل عن حده، وقائمة بالقطع الراكدة اللي بقالها كتير ما اتباعتش.

• «حدود التنبيه»: أقل عدد قطع لكل صنف، وأقل رصيد لكل عيار بالجرام، وبعد كام يوم القطعة تعتبر راكدة (صفر = من غير تنبيه).
• الأصناف والعيارات اللي تحت الحد بتظهر بالعدد الحالي مقابل الحد.
• القطع الراكدة بالباركود والوزن والمورد وعدد الأيام — عشان تعمل عليها عرض أو تبعتها للصهر.
• نفس التنبيهات بتظهر في لوحة التحكم، ومعاها الأمانات اللي عدّت ميعاد تسليمها.

التحويل بين الفروع

نقل وزن سائب أو قطعة بباركود من فرع لفرع بقيدين في الدفتر.

• اختار الفرع المرسل والمستلم والعيار والوزن، أو امسح باركود القطعة.
• طلب المتجر من فرع والقطعة في فرع تاني: بتتحول لوحدها وقت التسليم.

دفتر حركة الذهب

كل جرام دخل أو خرج: بيع، شراء، توريد، صهر، جرد، تحويل، إلغاء — دفتر ثابت مايتعدلش.

الموردين

الورش والتجار اللي بتشتري منهم: بيانات كل مورد وعدد القطع اللي اتشرت منه ووزنها وآخر شراء.

• عمودين لرصيد كل مورد: الذهب بمكافئ عيار 21 والفلوس (علينا / لينا).
• مورد جديد: الاسم والهاتف والعنوان وملاحظات (أنواع الشغل، طريقة الحساب، مواعيد التسليم...).
• الأسماء اللي كانت مكتوبة يدوي في القطع بتظهر تحت — سجّل أي اسم كمورد والقطع بتتربط بيه لوحدها.
• إيقاف مورد (بيختفي من القائمة وسجله بيفضل)، والحذف للمورد اللي مالوش قطع بس.

صفحة المورد

كل القطع اللي اتشرت من المورد ده: التاريخ والوزن والتكلفة والفرع والحالة (بالمخزن، مباعة، مستبعدة).

• «حساب المورد (ذهب وفلوس)»: رصيد الذهب بمكافئ 21 ورصيد الفلوس، وكشف حساب بالرصيد بعد كل حركة.
• تسجيل حركة: استلام ذهب (يدخل المخزون)، تسليم كسر للتشغيل (يخرج من المخزون)، مصنعية أو فاتورة، دفعة من الخزنة، استلام فلوس، تسوية رصيد الذهب بفلوس، أو رصيد افتتاحي.
• حذف حركة يدوي بيرجّع الذهب للمخزون أو يطلّعه، والفلوس بقيد عكسي في الخزنة. الصلاحية: «حساب الموردين».
• إجمالي القطع والوزن الصافي والتكلفة، وتقسيم حسب العيار.
• القطعة المباعة فيها رابط لفاتورة بيعها.
• التكلفة بتظهر بس للي معاه صلاحية «رؤية تكلفة المخزون».

الفواتير

بحث في كل الفواتير بالتاريخ والرقم والعميل والبائع، للفرع الحالي أو كل الفروع.

• إجمالي المبيعات والمشتريات للفترة.
• عرض الملغاة كمان (الإلغاء بقيود عكسية — مفيش حاجة بتتمسح).

صفحة الفاتورة

الفاتورة جاهزة للطباعة كإيصال 80مم أو A4، وعليها الباركود ورمز QR لو اتبعتت للضرايب.

• كارت «الحسابات»: الفلوس دخلت أنهي خزنة أو حساب.
• صورة بطاقة العميل: عرضها، أو إرفاقها لفاتورة قديمة، أو استبدالها — والحذف محتاج صلاحية إلغاء الفواتير.
• إلغاء الفاتورة بسبب (بيرجّع القطع والوزن للمخزون).
• جزء «الفاتورة الإلكترونية»: حالة المستند، «إرسال الآن»، أو «أرسل لبوابة الضرايب» لفاتورة قديمة.
• فاتورة شراء الكسر: «فاتورة بيع لنفس العميل» بضغطة.

الفاتورة الإلكترونية

ربط مباشر بمصلحة الضرائب المصرية (الإيصال الإلكتروني) ومنصة «فاتورة» ZATCA في السعودية.

• «المستندات المرسلة»: كل مستند بحالته (مقبول، في الانتظار، مرفوض وسببه)، وإرسال اللي في الانتظار.
• تحميل المستند زي ما اتبعت (XML للسعودية، JSON لمصر).
• المستند مايتمسحش: الإلغاء بيطلع إشعار دائن، والمرفوض بيتعاد إصداره برقم جديد.

الفاتورة الإلكترونية: الإعدادات والترقيم

انت بتتحكم في إيه اللي يتبعت وإزاي يترقّم.

• التفعيل والدولة، و«كل الفواتير» أو «الفواتير المحددة بس».
• بادئة منفصلة للفواتير الضريبية (INV-) والإشعارات (CN-) والفواتير الداخلية (S-)، وعدد الخانات، والسنة في الرقم.
• تعديل الرقم الجاي للأمام بس — مفيش رقم بيتكرر.
• تبويب «الربط»: للسعودية بيانات المنشأة وطلب الشهادة وكود OTP (والفحوصات أوتوماتيك)، ولمصر بيانات نقطة البيع وأكواد الأصناف.

العملاء

كل العملاء بهواتفهم ورصيد الآجل، وكشف حساب لكل عميل.

• تحصيل من الآجل بطريقة الدفع.
• بيانات ضريبية للشركات: الرقم الضريبي والعنوان الوطني (للفاتورة القياسية في السعودية).

الأمانات

ذهب العميل اللي سايبه عندك للتصليح أو للحفظ — بإيصال برقم، ومش بيدخل مخزون المحل ولا بيأثر على أرصدة العيارات.

• «استلام أمانة جديدة»: هاتف العميل واسمه، النوع (تصليح أو حفظ)، العيار والوزن وعدد القطع، الوصف والمطلوب، أجرة التصليح، وميعاد التسليم.
• إيصال 80مم للعميل برقم الأمانة (A-2026-0001) وباركود.
• الحالات: عندنا ← جاهزة للتسليم ← اتسلمت. وقت التسليم بتكتب الأجرة المحصّلة وبتدخل الحساب اللي تختاره.
• الأمانة المتأخرة عن ميعادها بتظهر بالأحمر، و«أرصدة ذهب العملاء عندنا» بتجمع كل عميل وعياره.

المصروفات

مصروفات المحل بأقسامها وميزانية شهرية لكل قسم.

• إضافة مصروف بالتاريخ والقسم وطريقة الدفع.
• بتدخل في تقرير الأرباح والخسائر وتقفيل اليومية.

الخزنة والحسابات

رصيد كل خزنة وحساب بنكي ومحفظة لحظة بلحظة: البيع بيدخل الحساب اللي تختاره، والشراء والمصروفات بتتخصم منه.

• كل فرع ليه خزنته، والبنك والمحافظ على مستوى المحل. الرصيد = الرصيد الافتتاحي + كل الحركات.
• تحويل بين حسابين (مثلاً توريد الخزنة للبنك)، وإيداع أو سحب ببيان (رأس مال، مسحوبات شخصية...).
• كشف حساب بالرصيد بعد كل حركة وتصدير CSV، وتقرير الخزنة: أول المدة والداخل والخارج وآخر المدة وحركة كل نوع.
• «الحسابات الافتراضية»: الحساب اللي بيتختار لوحده لكل طريقة دفع في كل فرع.
• إلغاء فاتورة أو حذف مصروف بيعمل قيد عكسي لوحده — مفيش حاجة بتتمسح.

المتجر الإلكتروني: نظرة عامة

متجر باسم محلك، القطع بصورها والسعر بيتحسب لحظياً من سعر الذهب + المصنعية، والطلب بيتحول لفاتورة بيع بضغطة.

• خطوات التجهيز، ورابط المتجر، وأرقام الطلبات والمشاهدات.
• فتح/قفل المتجر، وربط دومين خاص بيك.

المتجر: القطع المعروضة

كل قطع المخزون — تختار اللي يتعرض في المتجر.

• «اعرض» لقطعة أو للمحدد كله، و«اخفي».
• «الصور والوصف» لكل قطعة حتى قبل ما تتعرض، و★ للمختارات في الصفحة الرئيسية.

المتجر: صفحة القطعة

اسم القطعة ووصفها بالعربي والإنجليزي، وصورها (لحد 10)، والمقاس.

• السعر في المتجر الآن بالتفصيل: الذهب والمصنعية والفصوص والدمغة والضريبة.
• الصور بتتصغّر وتتظبط لوحدها، وتقدر تختار الصورة الرئيسية.

المتجر: الطلبات

طلبات العملاء بحالاتها: بانتظار الدفع، جديد، مؤكد وجاري التجهيز، جاهز (للاستلام أو خرج للتوصيل)، تم التسليم، ملغي.

• القطع بتتحجز من المخزون أوتوماتيك لحد التسليم أو الإلغاء.
• عداد الطلبات الجديدة بيظهر في القائمة.

المتجر: صفحة الطلب

تفاصيل الطلب والعميل وسجل الدفع، وأزرار الخطوة الجاية.

• التسليم = البيع: بيطلع فاتورة بيع بالأسعار المثبتة في الطلب.
• واتساب العميل بضغطة، وتأكيد التحويل اليدوي.

المتجر: الدفع

طرق الدفع اللي العميل يقدر يختارها.

• الدفع عند الاستلام أو في الفرع (الافتراضي — متوافق مع التقابض).
• الدفع المسبق: Paymob و Kashier و Fawry و MyFatoorah و PayTabs و Tap و Moyasar و PayPal، والتحويل اليدوي.
• الفلوس بتروح لحساب التاجر مباشرة، والتأكيد من سيرفر البوابة نفسها.

المتجر: الإعدادات

شكل المتجر وبياناته وسياساته.

• روابط السوشيال ميديا (فيسبوك، إنستجرام، تيك توك، يوتيوب، X، لينكدإن، تليجرام، سناب شات) — الأيقونة بتظهر في أسفل المتجر للرابط المكتوب بس.
• الاسم والشعار والجملة التعريفية واللون، بالعربي والإنجليزي.
• التوصيل بمناطق ورسوم، والاستلام من الفرع، والتوصيل المجاني فوق مبلغ.
• كوبونات خصم على المصنعية، ونقش الأسماء برسوم.
• Meta Pixel لإعلانات فيسبوك وإنستجرام: اكتب رقم البكسل والمتجر بيبعت فتح القطعة والإضافة للسلة وإتمام الطلب والطلب بقيمته — عشان تقيس إعلاناتك وتعمل جمهور مخصص.
• إحصائيات جوجل (Google Analytics 4): اكتب Measurement ID اللي بيبدأ بـ G- وهتشوف الزيارات ومشاهدة القطع والإضافة للسلة والطلبات في حساب جوجل بتاعك.

المتجر: الزوار

مين بيزور متجرك وجاي منين، وإيه القطع اللي بتتشاف أكتر، وكام واحد بيكمّل لحد الطلب.

• الزوار والمشاهدات ومدة الزيارة والإضافات للسلة والطلبات ومعدل التحويل — لليوم أو 7 أو 30 أو 90 يوم.
• «من الزيارة للطلب»: زاروا ← فتحوا قطعة ← ضافوا للسلة ← بدأوا إتمام الطلب ← طلبوا، عشان تعرف العميل بيقف فين.
• مصادر الزيارات (فيسبوك، إنستجرام، جوجل، واتساب، تيك توك...) والدول ونوع الجهاز وأوقات الزيارة.
• القطع الأكتر مشاهدة بعدد الإضافات للسلة ومرات الطلب.
• من غير خدمات خارجية ومن غير حفظ عناوين IP، وزياراتك انت وموظفينك مش بتتحسب.

المتجر من ناحية العميل

ده اللي العميل بيشوفه: سعر الجرام اليوم فوق، والقطع بأسعارها اللحظية.

• شريط أسعار الذهب المتحرك أعلى كل صفحات المتجر: أسعار البيع المفعّلة عندك، مع سهم الارتفاع أو الانخفاض عن السعر اللي قبله ووقت آخر تحديث.
• حساب للعميل ومفضلة وتتبع الطلب خطوة بخطوة.
• عربي وإنجليزي، ومتجاوب مع الموبايل.

التقارير والإحصائيات

تقارير المبيعات والمخزون والأرباح لأي فترة ولأي فرع، مع تصدير Excel.

• المبيعات اليومية، وتفصيلي الفواتير، وحسب العيار والصنف والبائع.
• الأرباح والخسائر: ربح فرق سعر الذهب منفصل عن صافي المصنعية والمصروفات.
• ميزان الذهب، وتقييم المخزون بأسعار اليوم، وتقفيل اليومية (الخزنة).

تقفيل الوردية (اختياري)

ملخص الوردية في الفرع من آخر تقفيل، وجرد فلوس الخزنة مقابل المحسوب — بيتفعل من الإعدادات ← أقسام اختيارية.

• الملخص: فواتير البيع ووزن الذهب المباع، وشراء الكسر، والمحصّل نقدي وفيزا وتحويل، والآجل، والتحصيلات، والمصروفات، والفواتير الملغاة.
• اكتب المعدود في كل خزنة أو حساب والفرق بيظهر فوراً — اللي يتساب فاضي مش بيتجرد.
• جرد الذهب اختياري: اكتب وزن العيار اللي وزنته بس — مش لازم توزن كل الذهب كل وردية.
• الفروق بتتسجل كتسوية لو اخترت، أو تفضل في التقرير بس. وتقرير الوردية بيتطبع بإيصال فيه مكان توقيع المستلم.

المحاسبة (اختياري)

نظام محاسبة منفصل للمحاسب والمراجعة الضريبية: دليل حسابات، قيود يومية، دفتر أستاذ، وميزان مراجعة — مش بيغيّر أي حاجة في شغل البرنامج.

• دليل حسابات جاهز لمحل الذهب (الخزنة والبنوك، مخزون الذهب، العملاء، الموردين، الضريبة، رأس المال، المبيعات، تكلفة المباع، المصروفات، فروق الجرد) وتقدر تضيف حسابات تحت أي حساب.
• قيد يدوي بأي عدد سطور على الحسابات الفرعية، ولازم المدين يساوي الدائن.
• «توليد قيود من حركة البرنامج»: قيد مجمّع لكل يوم من الفواتير والتحصيلات والمصروفات والخزنة والموردين وحركة الذهب بالتكلفة — والتوليد من جديد بيستبدل القيود الآلية بس.
• دفتر أستاذ لأي حساب (حساب المجموعة بيجمع اللي تحته)، وميزان مراجعة بأول المدة والحركة وآخر المدة، وتصدير CSV.

الفروع

فروع المحل بعناوينها وهواتفها (بتظهر في فاتورة كل فرع).

• إيقاف فرع من غير ما تتمسح بياناته.
• عدد الفروع حسب باقتك.

المستخدمون والصلاحيات

كل موظف بحسابه، ودوره بصلاحيات دقيقة لكل شاشة وعملية.

• أدوار جاهزة أو أدوار من عندك، وأقصى نسبة خصم لكل دور.
• الفروع اللي يقدر يفتحها: «كل الفروع» أو فرع واحد أو أكتر من فرع — والموظف بيشوف ويشتغل على فروعه بس، وبيبدّل بينها من أعلى الشاشة («كل فروعي»).
• إيقاف حساب من غير مسحه.

سجل المراجعة

كل عملية مهمة بالوقت واسم المستخدم والفرع: فواتير، إلغاء، أسعار، مخزون، إعدادات.

النسخ الاحتياطي

بياناتك محفوظة على السيرفر بنسخة احتياطية كل ليلة على سيرفر منفصل.

• النسخة الخارجية بقت بتشمل الصور كمان: صور المنتجات وإثباتات التحويل وصور البطايق — بترفع الجديد بس، ومشفرة لو عامل كلمة سر للنسخ.
• تحميل نسخة من بيانات محلك في أي وقت.
• نقل بياناتك من برنامج الكمبيوتر بملف النسخة الاحتياطية (لمحل جديد فاضي).

المساعد الذكي (الذكاء الاصطناعي)

اسأل عن أي حاجة في محلك بالكلام العادي من الأيقونة العائمة ✨ في أي صفحة، والمساعد يجاوبك من بياناتك بالأرقام والجداول.

• التفعيل: الإعدادات ← «المساعد الذكي»: الصق مفتاح OpenRouter (من openrouter.ai/keys) واضغط «اختبار المفتاح»، واختار النموذج، وفعّل.
• كل نماذج OpenRouter بتظهر بالأحدث أولاً مع سعرها لكل مليون توكن، وعلامة 🛠 للنماذج اللي بتدعم الأدوات (الأدق — بتجيب الأرقام لأي فترة).
• أمثلة: «مبيعات امبارح كام؟»، «مين أكتر موظف باع الشهر ده؟»، «تفاصيل فاتورة رقم ...»، «عندي كام جرام عيار 21؟»، «مين العملاء اللي عليهم فلوس؟»، «صافي ربح الشهر؟».
• المساعد بيقرا بس — مش بيعدّل ولا بيلغي أي حاجة، ومالوش وصول لكلمات المرور أو المفاتيح.
• كل موظف بيشوف الفروع والبيانات اللي صلاحياته تسمح بيها بس، ومحتاج صلاحية «استخدام المساعد الذكي».

الملاحظات

لوحة ملاحظات شكلها ورق ملوّن متعلّق على الحيطة: احفظ أرقام الموردين والمواعيد والتذكيرات وطلبات العملاء.

• «ملاحظة جديدة»: عنوان ونص ولون الورقة (أصفر، وردي، أزرق، أخضر، بنفسجي، برتقالي، أبيض).
• تثبيت الملاحظات المهمة فوق، والتعديل والحذف من الأزرار اللي على كل ورقة، والبحث والفلترة باللون.
• الملاحظة مشتركة لكل المحل، أو «خاصة بيا» محدش يشوفها غير صاحبها.
• الصلاحيات: «عرض لوحة الملاحظات وكتابة ملاحظات خاصة» و«إضافة وتعديل وحذف الملاحظات المشتركة».

الإعدادات

كل إعدادات المحل في مكان واحد.

• «أقسام اختيارية»: تفعيل تقفيل الوردية ونظام المحاسبة — منفصلين ومش بيغيروا أي حاجة في البيع والمخزون.
• بيانات المحل والرقم الضريبي والسجل التجاري وتذييل الفاتورة.
• الدولة والعملة ولغة البرنامج.
• نسبة الضريبة وبتتحسب على: المصنعية، المصنعية والدمغة، الإجمالي، أو بدون.
• الدمغة الافتراضية، وإلزام هوية البائع في الشراء، والسماح بالآجل.
• مقاس الطباعة، وسرعة الميزان، والأعيرة ونقائها، والأصناف ومصنعيتها.

تسجيل الدخول والترخيص

كل موظف بيدخل باسم المستخدم وكلمة المرور، وحالة الترخيص ظاهرة دايماً تحت اسم المحل.

• نافذة الترخيص: الحالة وتاريخ الانتهاء، «تحقق الآن»، و«إلغاء التفعيل من هذا الجهاز» لنقله لجهاز تاني.
• البرنامج بيتحقق من الترخيص أونلاين مرة في اليوم، وبيشتغل من غير نت لحد 30 يوم.
• تغيير كلمة المرور من أيقونة المفتاح تحت.

لوحة التحكم

كل ذهب المحل في نظرة، وحركة اليوم.

• إجمالي الوزن والمكافئ لعيار 21 وقيمته بسعر البيع والشراء.
• بطاقة لكل عيار، ورسم مبيعات آخر 14 يوم.
• تنبيهات ذكية: سعر ناقص، رصيد سالب، نسخة احتياطية متأخرة.

البيع والشراء

فاتورة كاملة في ثواني: بيع أو شراء كسر — كل واحدة لوحدها.

• تحت مبالغ الدفع: الحساب اللي يدخل فيه النقدي والفيزا والتحويل (لو عندك أكتر من حساب).
• زر «إرفاق صورة البطاقة» (اختياري): صورة بطاقة العميل بتتحفظ مع الفاتورة وبتدخل في النسخة الاحتياطية.
• الباركود بالقارئ، أو بيع بالوزن: العيار والصنف والوزن والمصنعية والفصوص والدمغة.
• الميزان على منفذ COM/USB: الوزن بينزل لحظياً مع مؤشر «ثابت».
• الحساب لحظي: قيمة الذهب والمصنعية والخصم والضريبة والإجمالي لكل بند وللفاتورة.
• خصم أو سعر فوق صلاحية البائع = موافقة المدير بكلمة مروره.
• رقم التسجيل الضريبي للشركة، وعلامة «أرسل لبوابة الضرايب» لو الفاتورة الإلكترونية مفعّلة.
• اختصارات: F1 بيع · F2 شراء · F5 أخذ الوزن · F8 إضافة · F12 حفظ.

موافقة المدير

لما البائع يتعدى صلاحيته في الخصم أو سعر الجرام أو الإلغاء، المدير بيوافق باسمه وكلمة مروره، والموافقة بتتسجل في الفاتورة والسجل.

أسعار الذهب

سعر البيع والشراء لكل عيار، والأعيرة التانية بتتحسب بالنقاء.

• «تحديث الأسعار من الإنترنت» لمصر والسعودية والإمارات بعد تأكيدك.
• «أسعار الذهب الآن» بيفتح صفحة الأسعار في المتصفح.
• شريط الأسعار ظاهر فوق في كل الشاشات.

المخزون

الرصيد حسب العيار، والقطع بالباركود، ودفتر حركة الذهب.

• توريد وزن سائب أو رصيد افتتاحي بتكلفته، وخصم للصهر أو تسوية.
• دفتر ثابت لكل جرام دخل أو خرج.
• تيكيت باركود لكل قطعة على طابعة التيكيت.

إضافة قطعة

قطعة بباركود بالوزن القائم والفصوص والمصنعية والتكلفة والمورد ومكانها في الفاترينة.

• «الماركة» (اختياري) بتقترح الماركات اللي استخدمتها قبل كده، وبتظهر في المخزون وبتتبحث.
• علامة «سجّل وزن القطعة ومصنعيتها على حساب المورد» بتظهر لما تختار مورد.
• الوزن من الميزان بضغطة «ميزان».
• المورد: اختاره من القائمة أو اكتب أي اسم يدوي في نفس الخانة.
• علامة «تحويل من الوزن السائب الموجود» لو الذهب متسجل قبل كده كوزن سائب (المخزون ما بيزيدش).
• طباعة التيكيت بعد الحفظ.

الموردين

الورش والتجار اللي بتشتري منهم — اختار مورد وتحت هتلاقي كل القطع اللي اتشرت منه.

• تبويب «حساب المورد (ذهب وفلوس)»: رصيد الذهب بمكافئ 21 والفلوس، وكشف حساب بالرصيد بعد كل حركة وتصدير Excel.
• تسجيل حركة: استلام ذهب، تسليم كسر للتشغيل، مصنعية، دفعة من الخزنة، استلام فلوس، تسوية الذهب بفلوس، أو رصيد افتتاحي.
• بيانات المورد: الاسم والهاتف والعنوان والملاحظات، و«نشط» عشان يظهر في نافذة القطعة.
• القطع بتاريخها وباركودها ووزنها وتكلفتها وحالتها، وإجمالي القطع والوزن والتكلفة.
• الأسماء المكتوبة يدوي في القطع: اضغط الاسم ← حفظ، والقطع بتتربط بالمورد لوحدها.
• الموردين بيتنقلوا مع بياناتك للنسخة الأونلاين بملف النسخة الاحتياطية.

تنبيهات المخزون

تبويب في المخزون: أصناف قربت تخلص، وعيارات تحت الحد، وقطع راكدة — وحدود التنبيه بتتظبط من نفس الشاشة.

• أقل عدد قطع لكل صنف، وأقل رصيد لكل عيار، وبعد كام يوم القطعة تعتبر راكدة.
• التنبيهات بتظهر كمان في لوحة التحكم، ومعاها الأمانات المتأخرة.

الجرد بالميزان

اوزن كل ذهب العيار (قطع وسائب) واكتب الوزن الفعلي — البرنامج بيسجل العجز أو الزيادة كقيد.

الفواتير

كل الفواتير بالتاريخ والرقم والعميل، وتفاصيل الفاتورة جنبها.

• سطر «الحسابات» تحت الإجمالي، وزر «صورة البطاقة» و«إرفاق صورة البطاقة» لفاتورة محفوظة.
• إعادة طباعة، وإلغاء بقيود عكسية بعد موافقة المدير.
• عمود «الرقم الضريبي» وحالة الفاتورة الإلكترونية، وزرار «أرسل لبوابة الضرايب» لفاتورة قديمة.

الفاتورة المطبوعة

إيصال حراري 80مم أو فاتورة A4، فيها تفاصيل كل بند (ذهب، مصنعية، ضريبة) والباركود — ورمز QR للفاتورة الإلكترونية.

• طباعة مباشرة على الطابعة الافتراضية أو باختيار الطابعة.

الفاتورة الإلكترونية

نفس ربط النسخة الأونلاين: مصر والسعودية، والمستندات بحالاتها.

• البرنامج بيبعت لوحده بعد البيع، وبيعيد المحاولة كل 10 دقايق لو النت فصل.
• حفظ المستند XML/JSON، و«إرسال الآن».

الفاتورة الإلكترونية: الإعدادات والترقيم

التفعيل والدولة، وكل الفواتير أو المحددة بس، والبادئات وتعديل الرقم الجاي للأمام.

الفاتورة الإلكترونية: الربط

للسعودية: بيانات المنشأة ← طلب الشهادة ← OTP. ولمصر: نقطة البيع وأكواد الأصناف، وفاتورة الشركات (B2B) بتوقيع التوكن.

• التوكن (Egypt Trust / MCDR) بيظهر في «شهادة التوقيع» بعد تركيب برنامجه، وويندوز بيطلب الـ PIN وقت التوقيع.
• «اختبار الدخول» و«اختبار التوقيع بالتوكن» قبل التفعيل.

العملاء

بيانات العملاء ورصيد الآجل وكشف الحساب والتحصيل.

• بيانات ضريبية للشركات (الرقم الضريبي والعنوان الوطني).
• ملاحظات للعميل (مقاس الخاتم، المناسبات).

الأمانات

ذهب العملاء اللي عندك للتصليح أو للحفظ — بإيصال مطبوع برقم وباركود، ومش من مخزون المحل.

• استلام أمانة: الهاتف (Enter للبحث عن العميل)، الاسم، النوع، العيار والوزن وعدد القطع، الوصف، الأجرة، وميعاد التسليم.
• «جاهزة للتسليم» ثم «تسليم للعميل» بالأجرة المحصّلة (بتدخل الخزنة)، وطباعة الإيصال في أي وقت.
• المتأخرة بالأحمر، وكارت «أرصدة ذهب العملاء عندنا» لكل عميل وعيار.

المصروفات

المصروفات بأقسامها وميزانية شهرية لكل قسم بلون مميز.

الخزنة والحسابات

خزن وحسابات بنكية ومحافظ برصيد كل واحد: البيع بيدخل الحساب المختار والشراء والمصروفات والتحصيلات بتتسجل فيه.

• تحويل بين الحسابات، وإيداع وسحب ببيان، وإضافة حساب برصيد افتتاحي.
• كشف حساب وتصدير Excel، وتقرير الخزنة للفترة، والحسابات الافتراضية لكل طريقة دفع.

تقفيل الوردية (اختياري)

ملخص الوردية من آخر تقفيل وجرد فلوس الخزنة — بيتفعل من الإعدادات ← أقسام اختيارية.

• اكتب المعدود لكل خزنة والفرق بيظهر بالأحمر أو الأخضر، واختار تسجيله كتسوية أو لأ.
• «جرد الذهب كمان (اختياري)»: اكتب وزن العيار اللي وزنته بس.
• سجل الورديات اللي اتقفلت مع طباعة التقرير وتصديره Excel.

المحاسبة (اختياري)

نظام منفصل للمحاسب: القيود اليومية ودليل الحسابات ودفتر الأستاذ وميزان المراجعة — مش بيغيّر أي حاجة في شغل البرنامج.

• قيد يدوي بسطور مدين ودائن، والمجموع بيتأكد إنه متوازن قبل الحفظ.
• «توليد قيود من حركة البرنامج» للفترة: قيد مجمّع لكل يوم — والتوليد من جديد بيستبدل الآلي بس.
• دليل حسابات جاهز تقدر تضيف عليه، ودفتر أستاذ وميزان مراجعة بتصدير Excel.

المحاسبة: ميزان المراجعة

أرصدة كل حساب أول المدة وحركة الفترة وآخر المدة، والإجمالي لازم يتساوى في المدين والدائن.

التقارير والإحصائيات

13 تقرير لأي فترة، مع تصدير Excel وطباعة PDF.

• المبيعات اليومية، وتفصيلي الفواتير، وحسب العيار والصنف والبائع، ومشتريات الكسر.
• ميزان الذهب، وتقييم المخزون، والمصروفات، وتقفيل اليومية (الخزنة).

تقرير الأرباح والخسائر

كسبان من الشغل ولا من ارتفاع الدهب؟ التقرير بيفصل ربح فرق سعر الذهب عن صافي المصنعية عن المصروفات، بتكلفة المتوسط المرجح لكل عيار.

المستخدمون والصلاحيات

أدوار بصلاحيات دقيقة وأقصى خصم لكل دور، وحساب لكل موظف.

النسخ الاحتياطي

بياناتك في ملف واحد آمن.

• ملف النسخة بقى فيه صور البطايق كمان، والاستعادة بترجّعها.
• نسخة تلقائية يومياً وعند الإغلاق، والاحتفاظ بآخر 30 نسخة (قابل للتعديل).
• «نسخة الآن وحفظها» على فلاشة أو مجلد جوجل درايف.
• الاستعادة بتتأكد من سلامة الملف الأول (بصمة SHA-256)، وبتاخد نسخة أمان قبلها.
• نفس الملف بينقل بياناتك للنسخة الأونلاين.

سجل المراجعة

كل عملية مهمة باسم المستخدم والوقت.

الإعدادات

بيانات المحل والدولة والعملة واللغة، والضريبة، والطباعة، والميزان، والأعيرة والأصناف، والترخيص.

• «أقسام اختيارية»: تقفيل الوردية ونظام المحاسبة — بيظهروا في القائمة لما تفعّلهم.
• الضريبة على: المصنعية، المصنعية والدمغة، الإجمالي، أو بدون — والنسبة المقترحة حسب الدولة.
• الطباعة: 80مم أو A4، طباعة مباشرة، وطباعة بعد الحفظ.
• الميزان: المنفذ (COM) والسرعة واختبار الاتصال.
• كارت «ترخيص البرنامج»: الحالة وإدارة الترخيص ونقله لجهاز تاني.